Keniyada bütün çay plantasiyalarının dəniz səviyyəsindən 1500-2700 m yüksəklikdə yerləşməsi səbəbindən, bu çaylar dağ çaylarına maxsus incə ətrə malik olmaqla yanaşı, həm də bütün dünyada ekoloji baxımdan təmiz məhsul olaraq tanınmaqdadır. Ekvator xəttində yerləşməsi sayəsində bu çaylar mövsümündən asılı olmayaraq bütün il boyu toplanır ki, bu da xammaddə keyfiyyətinin stabilliyinə imkan yaradır. Yuvarlaq qəhvə rengli yarpaq quruluşu ilə digər qara çaylardan emal texnikasına görə fərqlənir. Bu emal texnikası CTC adlanır. Ölkəmizdə bu texnika çox məşhur olmadığı üçün istehlakçıların çoxu bu çayı dadmamışdırlar. Parlaq, orta tünd dəmi, büzücü dadı və yetişmə ərazisinə uyğun zəngin dağ qoxusu ilə fərqlilik yaradır. Bizim Keniya çayı səhər yeməyi üçün azacıq qaymaq və ya süd ilə ideal uyğunluq yaradır.
